“ အားလုံးအတွက် ကုရ်အာန် ” - ၁၈

“ အားလုံးအတွက် ကုရ်အာန် ” - ၁၈
***************************
အခန်း(၅)
အိဗ်ရာဟီမ် (အလိုင်) ခေတ်လွန်ဗျာဒိတ်တော်များနှင့်
ကုရ်အာန် ၏ ဆက်နွှယ်မှု
==============================
တမန်တော် အိဗ်ရာဟီမ်(အလိုင်)ထံမှမြစ်ဖျားခံဆင်းသက်သည့် ဘာသာတရားသုံးရပ်ဖြစ်သော ဂျူး၊ ခရစ်ယာန် နှင့် အစ္စလာမ်တို့ထံ၌ အချက်အလက်အများစု တူညီနေသည်သာမက၊ ဖန်ဆင်းရှင်၏စေတမန်တော်တို့သည်လည်း မျိုးရိုးစဉ်ဆက်တစ်နွယ်တည်းမှဖြစ်နေသည်မှာ စိတ်ဝင်စားဖွယ်ကောင်းလှ၏။ တမန်တော် အိဗ်ရာဟီမ် (အလိုင်)၏ အမွေအနှစ်နှင့်သော်လည်းကောင်း၊ တစ်ဆူရှင်ဝါဒ၌သော်လည်းကောင်း အခြေခံအားဖြင့် နက်နက်ရှိုင်းရှိုင်း ဆက်နွှယ်လျက်ရှိသည်။ သို့သော် အချို့အကြောင်းရပ်များတွင် သမ္မာကျမ်း နှင့် ကုရ်အာန်တို့၏ဖော်ပြချက်များ ကွဲလွဲမှု ရှိနေ၏။

လွန်လေပြီးသော ဗျာဒိတ်တော်များ
----------------------------------
လွန်လေပြီးသောဗျာဒိတ်တော်များနှင့်စပ်လျဉ်း၍ ကုရ်အာန်၌ တိကျပြတ်သားသော အမြင်တစ်ရပ် ရှိသည်။ မုစ်လင်မ်တို့သည် ကျမ်းမြတ်ကုရ်အာန်တစ်စောင်တည်းမျှမဟုတ်ဘဲ လွန်လေပြေီးသောတမန်တော်များထံ ထုတ်ပြန်ခံရသည့်၏ ကျမ်းဂန်တို့အား သက်ဝင်ယုံကြည်ရမည်ဟု ကုရ်အာန်က ကနဦးကပင် ပြတ်ပြတ်သားသား ဆိုထား၏ (၂း ၄)။ ၄င်းပြင် ကုရ်အာန်ကိုယ်တိုင်က သောင်ရားဟ် (Torah) နှင့် အင်န်ဂျီးလ် (Bible) အား အတည်ပြုထောက်ခံချက် ပေးထားပါသည် (၃း ၃)။
ကုရ်အာန်မှ Torah ကျမ်းဂန်အား မည်မျှအလေးထားသည်ကို ရှုပါလေ။

ဧကန်ပင် ငါအရှင်မြတ်သည် သောင်ရားဟ်ကျမ်းဂန်ကို ချမှတ်ပေးသနားတော်မူခဲ့၏။ ၄င်း(ကျမ်းဂန်)အတွင်း၌ ဓမ္မလမ်းညွှန်နှင့်ရောင်ခြည်တော်ရှိ၏။ ဖန်ဆင်းရှင်အား အပ်နှင်းနာခံကြကုန်သော တမန်တော်များအပြင် (ဂျူး)ဘုန်းတော်ကြီးများနှင့် ဥပဒေသုခမိန်များကလည်း ၄င်းကျမ်းမြတ်နှင့်အညီ တရားစီရင်လေ့ရှိခဲ့ကြကုန်၏။ အလ္လာဟ်အရှင်မြတ်၏ကျမ်းဂန်အား ထိန်းသိမ်းစောင့်ရှောက်ရန် ၄င်းတို့ထံ အပ်နှံခံရပြီဖြစ်ရာ ၄င်းတို့သည် (ယင်းကိစ္စ၏) သက်သေများ ဖြစ်ခဲ့ကြကုန်၏။ ကုရ်အာန် ( ၅း ၄၄ )


သို့ပင်သို့ငြား ဂျူးတို့သည် သူတို့၏ကျမ်းဂန်ကို လူတို့၏ပြောင်းလဲပြင်ဆင်မှုပယောဂမှ ထိရောက်စွာ ထိန်းသိမ်းစောင့်ရှောက်ခြင်း မပြုခဲ့ကြောင်း ကုရ်အာန်က တင်ပြထားသည်။ ဆက်လက်၍ အစ္စရာအီလ်နောက်လိုက်များသည် တမန်တော်မူစာ(အလိုင်)ထံ ထုတ်ပြန်ချမှတ်ထားခြင်းမရှိသော ဥပဒေသစ်များကို သောင်ရားဟ်ကျမ်းဂန်အတွင်း သွတ်သွင်းခဲ့ကြသည်။ ထိုအချက်များမှာ ၄င်းတို့၏ ရမ္မက်နှင့်ဆန္ဒအပေါ်အခြေခံဖန်တီးမှုများဖြစ်သည်ဟု တင်ပြထား၏ (၃း ၉၃ - ၉၄)။ သို့ဖြစ်ရာ ကုရ်အာန်ကထောက်ခံထားသော သောင်ရားဟ်ကျမ်းသည် တမန်တော် မူစာ - Moses ထံသို့ချမှတ်ခံရသည့် မူရင်းဗျာဒိတ်တော်ကို ဆိုလိုသည်။ Old Testament သို့မဟုတ် New Testament ကို မဆိုလိုပါ။
တမန်တော် အီစာ -Jesus ကလည်း သောင်ရားဟ်ကျမ်းဂန်၏ဗျာဒိတ်သတင်းကိုပင် ထပ်ဆင့်ထောက်ခံခဲ့၏။ ယင်းဥပဒေများမှ အတိတ်ကာလ၌ပြုခွင့်မရှိခဲ့သောအချက်အချို့ကို ခွင့်ပြုချက်အဖြစ် ပြန်လည် ပြင်ဆင်ပေးခဲ့သည် (၃း ၅ဝ) ဟု ကုရ်အာန်တွင်တွေ့ရ၏။ တမန်တော် အီစာ(အလိုင်) ထံကျရောက်သည့် ကျမ်းဂန်မှာ ကုရ်အာန်အသုံးအနှုန်းအရ အင်န်ဂျီးလ် ဟုခေါ်ဆိုပြီး အင်္ဂလိပ်လို Gospel ဟု ဖော်ပြလေ့ရှိကြသည်။ ထိုကျမ်းကို ဓမ္မလမ်းညွှန် နှင့် လင်းရောင်ခြည်၊ ၄င်းပြင် သောင်ရားဟ်ကျမ်းဂန်အား ထောက်ခံအတည်ပြုထားချက်၊ ၄င်းပြင် အလ္လာဟ်အရှင်မြတ်အား အကြောက်တရားထားရှိ၍ အပြစ်များမှကြဉ်ရှောင်သူ(မုသ်သကီ)အတွက် တရားဓမ္မ သြဝါဒအဖြစ် တန်ဖိုးထားစေခဲ့သည် (၅း ၄၆)။
သို့တိုင် တမန်တော် အီစာ -Jesus ထံထုတ်ပြန်ကျရောက်ခဲ့သော မူရင်းသမ္မာကျမ်းမှာ ပျက်စီးပျောက်ဆုံးခဲ့ပြီဖြစ်ကြောင်း ကုရ်အာန်က အခိုင်အမာဆိုထားသည်။ ယနေ့ကာလရှိ ယေရှုခရစ်ဝင် ကျမ်းလေးစောင် ဖြစ်သည့် jark - ရှင်မာကု၊ matthew - ရှင်မဿဲ၊ luke - ရှင်လုကာ၊ John - ရှင်ယောဟန် တို့မှာ ကုရ်အာန်ကညွှန်းသည့် အင်န်ဂျီးလ်ကျမ်းဂန်အား တိကျမှန်ကန်စွာစုစည်းထားချက်များအဖြစ် လက်ခံနိုင်စရာ မရှိချေ။
ဂျူး နှင့် ခရစ်ယာန်တို့သည် မိမိတို့ထံထုတ်ပြန်ချမှတ်ခံရသည့်ကျမ်းဂန်များအပေါ် မည်သို့ပြုလုပ်ခဲ့ကြကြောင်း ကုရ်အာန်မှ ဤသို့ အသိပေးထား၏။

၎င်းပြင် ထိုသူများ (ဂျူးနှင့်ခရစ်ယာန်များ) အနက် လူတစ်စုရှိနေ၏။ ထိုသူတို့သည် ကျမ်းဂန်ကို ၄င်းတို့၏နှုတ်လျှာများဖြင့် လိပ်ခေါက်ဖတ်ရွတ်ကြ၏ (အဓိပ္ပာယ်တစ်မျိုးထွက်အောင် လီဆည်လှည့်ဖြားဖတ်ရွတ်ကြ၏)။ (ယင်းသို့ပြုခြင်းမှာ) ၄င်းကို ကျမ်းဂန်၏အစိတ်အပိုင်းဟု အသင်တို့မှ ထင်မှတ်မှားစေရန်ဖြစ်သည်။ အမှန်သော်ကား ယင်းသည် ကျမ်းလာစကားရပ် အလျဉ်းမဟုတ်ချေ။ ၄င်းပြင် ထိုသူတို့က ' ဤသည်မှာ အလ္လာဟ်အရှင်မြတ် အထံတော်မှဖြစ်သည် ' ဟု ပြောဆိုကြပါသော်လည်း စင်စစ်၌ အလ္လာဟ်အရှင်မြတ်အထံတော်မှ အလျဉ်းမဟုတ်ပြီ။ ထိုသူတို့သည် ကိုယ်တိုင် သိသိကြီးဖြင့် အလ္လာဟ်အရှင်မြတ်နှင့်ပတ်သက်၍ မုသားပြောကြကုန်၏။ ကုရ်အာန် ( ၃း ၇၈ )

သောင်ရားဟ် နှင့် အင်န်ဂျီးလ် ကျမ်းတို့အပေါ်၌ရှိသော ကုရ်အာန်၏အမြင်ကား ဤသို့တည်း။ တမန်တော်မူစာ - Moses သည် ကောင်းကင်ကျဗျာဒိတ်တော်ကို သောင်ရားဟ် - Torah ၏အသွင်ဖြင့်လည်းကောင်း၊ တမန်တော်အီစာ - Jesus သည် ကောင်းကင်ကျဗျာဒိတ်တော်ကို အင်န်ဂျီးလ် - Gospel အသွင်ဖြင့်လည်းကောင်း လက်ခံရရှိခဲ့၏။ ထိုကျမ်းကြီးနှစ်စောင်လုံးမှာ လူတို့၏စွက်ဖက်ပြောင်းလဲခြင်းကို ခံခဲ့ရလေရာ ထိုကျမ်းဂန်များအတွင်း၌ ဖန်ဆင်းရှင်၏မုခ်ပါဌ်တော်များအဖြစ် ယုံကြည်စိတ်ချဖွယ် မရှိတော့။ ထိုကျမ်းများအတွင် မူလဓမ္မသစ္စာတရားများ ပါဝင်နေသေးသော်လည်း ကျမ်းချက်အားလုံးမှာမူ မူရင်းအတိုင်း မကျန်တော့။ ကျမ်းမြတ်ကုရ်အာန်သည် - သောင်ရားဟ် နှင့် အင်န်ဂျီးလ်ကျမ်းများမှ ခိုင်လုံသော၊ သက်ဆိုင်သောအပိုင်းများကို အမှားအယွင်းပြင်ဆင်မှုနှင့်လည်းကောင်း၊ ယုံကြည်စိတ်ချဖွယ်မရှိတော့သည်များကို ဖြုတ်ပယ်လိုက်၍လည်းကောင်း မှတ်တမ်းဖြောင့် မှတ်တမ်းမှန်တစ်ရပ်အသွင်ဖြင့် ထည့်သွင်းပါဝင်ဖော်ပြထားသော ကျမ်းတစ်စောင်ဖြစ်ပေသည်။

(ဆက်လက်ဖော်ပြပါမည်)

July Yeyint