“ အားလုံးအတွက် ကုရ်အာန် ” - ၇

“ အားလုံးအတွက် ကုရ်အာန် ” - ၇
***************************
ကုရ်အာန်ကို ကျမ်းစာအုပ်အသွင်သို့ စုစည်းခြင်း
=========================
တမန်တော်မြတ်(ဆွ) ပရိနိဗ္ဗာန်စံလွန်ပြီး (၂)နှစ်ကြာလျှင် ခလီဖဟ် (အုပ်ချုပ်မှုအရိုက်အရာခံ) ဖြစ်သော အဗူဗကရ်(ရဿွိ)လက်ထက်၌ မုစ်လင်မ်လူ့အဖွဲ့အစည်းသည် ပြင်းထန်သော စစ်ပွဲအချို့နှင့် ဆုံတွေ့ခဲ့ရ၏။ ယမာမဟ် ဟူသောစစ်ပွဲကြီး၌ ကျမ်းမြတ်ကုရ်အာန် အာဂုံဆောင် ဆွေသဟာတို့အနက် အမြောက်အများ ကျဆုံးကုန်၏။ (နောင်သောအခါ ဒုတိယခလီဖဟ်ဖြစ်လာမည့်) အုမရ် (ရဿွိ)က ထိုဆွေသဟာများ ကွယ်လွန်ကုန်ကြသည့်အတွက် ကျမ်းမြတ်ကုရ်အာန်ထိန်းသိမ်းမှု၌ အားနည်းသွားမည်ကို စိုးရိမ်လာခဲ့သည်။ ထိုစဉ်က ကုရ်အာန်သည် ရေးမှတ်ထားသော စာရွက်၊ပေရွက်များအဖြစ်သာ ကလောင်ရှင်အသီးသီးထံရှိနေခဲ့ပြီး စာအုပ်အသွင်သို့ မစုစည်းရသေးချေ။
သို့ဖြစ်ရာ အုမရ်က အဗူဗကရ်အား ကျမ်းဂန်ထိန်းသိမ်းရေးအတွက် စာအုပ်အသွင် စုစည်းလိုက်ရန် အကြံပေးတင်ပြခဲ့၏။ အစကနဦးတွင် ဤကြီးကျယ်လှသည့် စီမံကိန်းကို အကောင်အထည်ဖော်ရန် အဗူဗကရ်မှ နှောင့်နှေးဆုတ်ဆိုင်းနေခဲ့၏။ အဘယ်ကြောင့်ဆိုသော် ကုရ်အာန်ကို စာအုပ်အသွင်ပြောင်းရန် တမန်တော်မြတ်(ဆွ)က မပြုလုပ်တော်မူခဲ့သလို ယင်းသို့ပြုရန်ကိုလည်း မှာကြားခဲ့ခြင်း မရှိသောကြောင့်ဖြစ်ပေ၏။ ထို့ကြောင့် အတင့်ရဲပြီး မလုပ်လိုခြင်း ဖြစ်သည်။ နောင်တစ်ချိန် ကျမ်းမြတ်ကုရ်အာန်အတွင်း လူတို့၏စွက်ဖက်မှု (ဝါ) လီဆည်ထည့်သွင်း-ဖြုတ်နှုတ်မှုအန္တရာယ်များမှကင်းဝေးအောင် ကလောင်ရှင်များထံမှစုစည်း၍ စာအုပ်အသွင် ပြုစုထိန်းသိမ်းထားသင့်ကြောင်း အုမရ်က အဗူဗကရ်အား တဖြည်းဖြည်း နားချနိုင်ခဲ့ပေသည်။

သို့နှင့် အဗူဗကရ်သည် ကုရ်အာန်လက်ရေးမူများကို ကောက်ယူစုဆောင်း၍ ကျမ်းစာအုပ်အသွင် ပေါင်းစည်းစီမံရေးအတွက် ဇိုင်းဒ် ဗင်န် ဆာဘိသ် (ရဿွိ)အား တာဝန်ပေးခဲ့၏။ ဇိုင်းဒ် ဗင်န် ဆာဘိသ်သည် တမန်တော်မြတ်၏ အဆ်ွဟဘ်(ဆွေသဟာ)တော်များအနက် ပညာရှိပုဂ္ဂိုလ်ကြီးတစ်ပါးဖြစ်သည့်အပြင် တမန်တော့်လူယုံတော် ကလောင်ရှင်အဖြစ် အမှုတော်ထမ်းခဲ့သူလည်းဖြစ်၏။
ဇိုင်းဒ်သည် ကုရ်အာန်ကို ရေးသားမှတ်တမ်းတင်ခဲ့သူအပေါင်းကို ဆင့်ခေါ်၍ ရေးမှတ်ထားမှုအားလုံး ယူဆောင်လာစေခဲ့၏။ ၄င်းနောက် အောက်ပါစံနှုန်းသတ်မှတ်ချက် (၄)ရပ်ဖြင့် စိစစ်စုဆောင်းလေတော့၏။
(၁) တမန်တော်မြတ်(ဆွ)၏ညွှန်ကြားချက်ဖြင့် တမန်တော့်မျက်မှောက်၌မှာပင် ရေးသားမှတ်တမ်းတင်ခဲ့သော မူလ မှတ်တမ်းမှတ်ရာများ ဖြစ်ရမည်။
(၂) ထိုမှတ်တမ်းများမှာ တမန်တော်မြတ်(ဆွ) မျက်မှောက်၌ရေးမှတ်ခဲ့ခြင်းဖြစ်ကြောင်း အမျိုးသားနှစ်ဦးမှ သက်သေထွက်ဆိုနိုင်ရမည်။
(၃) ထိုရေးသားချက်များ၌ တမန်တော်မြတ်(ဆွ)မှ ရုပ်သိမ်းပယ်ဖျက်ထားသော မုက္ခပါဌ်တော်များ မပါဝင်ရ။
(၄) မှတ်တမ်းတင်ထားချက်အပေါင်းကို ကုရ်အာန်တစ်စောင်လုံး အာဂုံဆောင်ထားသူများ၏ မှတ်မိသိရှိချက်တို့ဖြင့် တိုက်ဆိုင်စိစစ်စစ်ဆေးရမည်။
၎င်းသတ်မှတ်စံနှုန်းနှင့်ညီညွတ်သော လက်ရေးမူများအားလုံးကို ကလောင်ရှင်စာရေးတော်များအားလုံးမှ စုရုံးကူးယူစေခဲ့၏။ ယင်းသို့ အဆင့်ဆင့်ကြိုးပမ်းဆောင်ရွက်ကာ ထွက်ရှိလာသည့် (တစ်စောင်တည်းသော) ကျမ်းစာအုပ်ကို အဗူဗကရ်ထံ အပ်နှံခဲ့ကြ၏။ အဗူဗကရ်ကွယ်လွန်သောအခါ ဆက်ခံသူ အုမရ်၏လက်သို့ အပ်နှံခဲ့ကြ၏။ အုမရ် လုပ်ကြံခံရသောအခါ ယင်းစာအုပ်သည် အုမရ်၏သမီး - ၄င်းအပြင် တမန်တော်မြတ်(ဆွ)၏ ဇနီးဖြစ်သူ ဟဖ်ဆွဟ် (ရဿွိ)ထံ ရောက်ရှိသွားခဲ့၏။

ကုရ်အာန်ဖတ်ရွတ်ခြင်း နည်းလမ်း(၇)သွယ်
======================
တမန်တော်မြတ်(ဆွ)မှ မိမိ၏လူ့အဖွဲ့အစည်းထံသို့ ကျမ်းမြတ်ကုရ်အာန်ကို နည်းလမ်း(၂)သွယ်ဖြင့် ပို့ချလက်ဆင့်ကမ်းတော်မူခဲ့၏။ အာရေဗျပြည်တွင်းရှိ ကွဲပြားနေသည့် ဒေသသုံးစကား (အသံထွက်၊ အသုံးအနှုန်း)များနှင့် အံဝင်ဆီလျော်စေရန်အတွက် ကောင်းကင်တမန်ချုပ် ဂျိဗ်ရီးလ်(အလိုင်)က တမန်တော်မြတ်(ဆွ)အား ကုရ်အာန်ကို နည်းလမ်း(၇)သွယ်ဖြင့် ဖတ်ပြခဲ့ကြောင်း ဟဒီးဆ်တော်၌လာရှိသည်။
တမန်တော်မြတ်(ဆွ)က မိမိ၏ဆွေသဟာတစ်ဦးအား '' ဤကုရ်အာန်သည် မူဟန်ကွဲပြားသော ဖတ်ရွတ်နည်းလမ်း(၇)သွယ်ဖြင့် ထုတ်ပြန်ချမှတ်ခံရ၏။ သို့ဖြစ်ရာ အသင့်အဖို့ ပိုမိုလွယ်ကူချောမွေ့စေသည့် နည်းစံနစ်ဖြင့် ဖတ်ရွတ်သရဇ္ဈာယ်လေလော့ '' ဟူ၍ မိန့်ကြားတော်မူခဲ့ပါသည်။ ယနေ့ အများမုစ်လင်မ်တို့သည် တမန်တော်မြတ် ဖတ်ကြားတော်မူခဲ့သည့်နည်းလမ်းအတိုင်းပင် (ခြွင်းချက်အနည်းငယ်ရှိသော်လည်း) ကုရ်အာန်ကို ဖတ်ရွတ်နေလျက်ရှိပေသည်။

ကုရ်အာန်ကို ဒေသသုံးစကားများအတွက် သဟဇာတဖြစ်စေခြင်း
===================================
အစ္စလာမ့်ယဉ်ကျေးမှုသည် အာရေဘီယံကျွန်းဆွယ်ပြင်ပသို့တိုင် တိုးတက်ကြီးထွားလာပြီး (အရဗီစကား မပြောသည့်) အာရဗ်မဟုတ်သူများ အစ္စလာမ်သာသနာကို ပို၍ပို၍လက်ခံလာကြသည်၌ စိန်ခေါ်ချက်အသစ် တစ်ရပ်ထွက်ပေါ်လာတော့၏။ ကုရ်အာန်အား နည်းလမ်း (၇)သွယ်ဖြင့် ရွတ်ဖတ်နိုင်ရန် ထုတ်ပြန်ချမှတ်ထားမှုအပေါ် မုစ်လင်မ်တို့အကြား ရောထွေးမှုရှိလာခဲ့လေသည်။ စာပိုဒ်တစ်ခုခုအား ဖတ်ရာတွင် အုပ်စုတစ်စုနှင့်တစ်စု ကွဲပြားလာကြကုန်၏။
အစ္စလာမ့်တတိယမြောက်ခလီဖဟ် အုဆ်မာန်း (ရဿွိ)လက်ထက်တွင် မိမိတို့၏ ဖတ်ရွတ်မှုနည်းလမ်းသည် အခြားအုပ်စုတို့၏ဖတ်ရွတ်မှုနည်းလမ်းတို့ထက် အဆင့်မြင့်သည်၊ ကောင်းမွန်မှန်ကန်သည်ဟု အသိမဲ့စွာ ကြွေးကြော်ကြသည့်သူများကြောင့် မုစ်လင်မ်တို့အတွင်း စည်းလုံးမှုပြိုကွဲလာခဲ့၏။ အုဆ်မာန်း၏ အကြံပေးအရာရှိ တစ်ဦးဖြစ်သော ဟုဇိုင်ဖဟ် ဗင်န် အလ်ယမာန် (ရဿွိ)က '' ဂျူး နှင့် ခရစ်ယာန်တို့မှ ၄င်တို့၏ကျမ်းချက်စာသားများအပေါ် ကွဲလွဲကုန်သည့်အခြေအနေမျိုး မဆိုက်ရောက်လာမီ မုစ်လင်မ်တို့အား အမြန်ကယ်တင်ပါလော့ '' ဟူ၍ အရေးပေါ်သတင်းပေးပို့ခဲ့၏။
အုဆ်မာန်းနှင့်အုပ်ချုပ်ရေးအဖွဲ့တို့သည် တမန်တော်မြတ်(ဆွ)အသုံးပြုခဲ့သော ကုရိုင်းရ်ှတို့၏ နည်းလမ်းတစ်ရပ်တည်းအတိုင်း ဖြစ်စေမည့် ကျမ်းတစ်စောင်ဖြင့် မုစ်လင်မ်တို့ကြား ညီညွတ်မှုကို ပြန်လည်ထိန်းသိမ်းရန် ဆုံးဖြတ်ခဲ့ကြ၏။ ခလီဖဟ်အဗူဗကရ်လက်ထက်က စုစည်းကူးယူခဲ့သော ကုရ်အာန်၏မူလပုံစံကို အခြေခံ၍ ပြန်လည် ဆန်းသစ်ကြိုးပမ်းခဲ့ကြ၏။ သို့သော် ဤတစ်ကြိမ်တွင်မူ အခြားနည်းလမ်းမှတ်တမ်းထက် ကုရိုင်းရ်ှဖတ်ရွတ်မှုပုံစံကိုသာ ဦးစားပေးဆောင်ရွက်စေခဲ့၏။ ဇိုင်းဒ် ဗင်န် ဆာဘိသ် (ရဿွိ)အပါအဝင် ကုရ်အာန်ပါရဂူ အဆ်ွဟဘ်တော်များအဖွဲ့က ဤလုပ်ငန်းစဉ်ကို အပြီးသတ်ပုံပေါ်သည်အထိ ကြီးကြပ်ခဲ့ကြပေသည်။ ထွက်လာသည့်မူစံနစ်မှာ '' အုဆ်မာနီ '' ဟု အမည်တွင်လျက် ယနေ့ထက်တိုင် တည်တံ့နေပါတော့သည်။ အုဆ်မာန်းက အခြားသော ကုရ်အာန်မိတ္တူအပေါင်းကို မီးရှိုဖျက်သိမ်းစေလိုက်၏။ သို့မှသာ မုစ်လင်မ်လူ့အဖွဲ့အစည်းတို့သည် ကျမ်းမြတ်ကုရ်အာန်ဖတ်ရွတ်မှုနှင့်စပ်လျဉ်း၍ တစ်ခုတည်းသောနည်းစဉ်အောက်၌ စုစည်းညီညွတ်တော့မည်ဖြစ်ပေသည်။ ဤကုရ်အာန်၏မူကို ပညာရှင်များနှင့်အတူ အစ္စလာမ့်လောက၏အဓိကနေရာများထံ မိတ္တူပွါးပြီး ဖြန့်ပို့သင်ကြားစေခဲ့ရာ ထိရောက်သောအောင်မြင်မှုများ ရရှိခဲ့ပေသည်။ ယနေ့သော်ကား ကျမ်းမြတ်ကုရ်အာန်ဖတ်ရွတ်ခြင်း၌လည်းကောင်း၊ ဝေါဟာရစကားလုံး၌လည်းကောင်း အငြင်းပွားမှု အလျဉ်းမရှိတော့လေပြီ။
အုဆ်မာန်း(ရဿွိ)၏ မူရင်းကုရ်အာန်(၃)စောင်မှာ ယနေ့ထက်တိုင် ထိန်းသိမ်းစောင့်ရှောက်ထားခြင်း ခံရဆဲပင်ဖြစ်သည်။ အလားတူစွာပင် မုစ်လင်မ်ကမ္ဘာ၏ဒေသအသီးသီး၌ ကျမ်းမြတ်ကုရ်အာန် ဖတ်ရွတ်ခြင်း နည်းလမ်း(၇)သွယ်မှာ ၄င်း၏ဖတ်ရွတ်မူဟန်နှင့်တစ်ကွ မှတ်တမ်းတင်ထားချက်များရှိနေဆဲ၊ သိရှိနေကြဆဲ၊ သင်အံနေကြဆဲပင်။ သို့သော် အုဆ်မာနီ ဖတ်ရွတ်နည်းသည် မုစ်လင်မ်အပေါင်း၏ဖတ်ရွတ်နည်းအမျိုးမျိုးအတွက် အံဝင်ဆီလျော်နေလျက်ရှိနေပါသည်။
တမန်တော်မြတ်(ဆွ) လွန်ပြီးနောက် နှစ်ပေါင်း(၂ဝ)အတွင်း ကျမ်းမြတ်ကုရ်အာန်အား ပြန်လည်စုစည်းခြင်း၊ တိကျခိုင်မာအောင်စိစစ်ခြင်း၊ မုစ်လင်မ်ကမ္ဘာအနှံ့ဖြန့်ဝေခြင်းတို့ကို ဆောင်ရွက်နိုင်ခဲ့ကြသည်။ (အချို့အနောက်တိုင်းသမိုင်းပညာရှင်တို့က ဤတစ်ချက်ကိုသာကွက်မြင်ပြီး ကုရ်အာန်ကို နောင်မှ ရေးသားမှတ်တမ်းတင်သည်ဟု ယူဆမိကြ၏ - ပြန်ဆိုသူ)။ ယခုခေတ်တွင် ကျမ်းမြတ်ကုရ်အာန်ကို ပုံနှိပ်ထုတ်ဝေမှု မပြုမီ မှန်ကန်တိကျရေးအတွက် ကုရ်အာန်အာဂုံဆောင်ထားသူများနှင့် စိစစ်စေပါသည်။ အခြားသော ဘာသာသာသနာများနှင့်မတူ တမူထူးခြားစွာ ကုရ်အာန်ထိန်းသိမ်းရေးလုပ်ငန်း၌ အာဂုံဆောင်ခြင်းနည်းစံနစ်မှာ တည်တံ့ခိုင်မာလျက်ရှိနေပေသည်။

ယနေ့ခေတ်မှ ပုံနှိပ်ကုရ်အာန်
================
ရှေးဦးပထမ ကျမ်းမြတ်ကုရ်အာန်ပုံနှိပ်မိတ္တူများ၌ သရ်ှကီးလ် (သရ သင်္ကေတ) နှင့် အိအ်ဂျံမ် (ထူးခြားကွဲပြားမှုပြ သင်္ကေတ)များ မပါဝင်ခဲ့ချေ။ လူတို့သည် နှုတ်ဖြင့်သာ ကျမ်းမြတ်ကုရ်အာန်ကို လေ့လာသင်အံကြပြီး ထိုခေတ်အခါက ကုရ်အာန်အာဂုံဆောင်သူများအတွက်သာ လက်ရေးမူမိတ္တူများ အထောက်အကူပြု အသုံးဝင်ခဲ့ကြသည်။ သို့သော် တမန်တော်မြတ်(ဆွ) လွန်မြောက်ပြီးနောက် နှစ်ပေါင်းနှစ်ရာ၏ပထမကာလအတွင်း ကုရ်အာန်စာသားများပေါ်ရှိ သရသင်္ကေတ (ထည့်သွင်းသတ်မှတ်ခြင်း) အတတ်ပညာ ပေါ်ထွန်းလာခဲ့ပါသည်။
စာပုံနှိပ်စက်များ တီထွင်ထွက်ပေါ်လာမှုကြောင့် ကုရ်အာန်ပုံနှိပ်မိတ္တူများမှာလည်း အရှိန်အဟုန်ကောင်းစွာ ပေါ်ထွက်လာပြီး ကမ္ဘာ့အစွန်အဖျားဒေသသို့တိုင် မြန်မြန်ဆန်ဆန်ပင် ပျံ့နှံ့ခဲ့လေသည်။ စာလုံးကွဲပြားမှုနှင့် အသံထွက်၌ အာရဘ်လူမျိုးမဟုတ်သူများအဖို့ သရ (နှင့်) ထူးခြားကွဲပြားမှုကိုပြသည့် သင်္ကေတများ၏ အကူအညီ လိုအပ်လှပေသည်။
သရသံ မမှန်ခြင်း နှင့် ဖတ်ရွတ်နည်းမှားယွင်းခြင်းက အဓိပ္ပာယ်ထွက်ရာ၌ လွဲချော်သွားနိုင်၏။ ဥပမာ - (၉း၃)အာယသ်တော်တွင် “ရစူးလိဟီး” ဟု ဖတ်ရမည့်အစား “ရစူးလုဟူး” ဟု မှားယွင်းစွာဖတ်ရွတ်မိပါက - အလ္လာဟ်အရှင်မြတ်နှင့် အရှင့်စေတမန်တော်သည် မုရ်ှရစ်က်များနှင့်ပတ်သက်၍ တာဝန်ကင်းကြောင်း ချေပတော်မူသည် ဟု အဓိပ္ပာယ်အစား အလ္လာဟ်အရှင်မြတ်သည် မုရ်ှရစ်က်များအပြင် တမန်တော်မြတ်နှင့်ပတ်သက်၍ တာဝန်ကင်းကြောင်း ချေပတော်မူသည် ဟူ၍ အဓိပ္ပာယ်ထွက်သွားပါတော့သည်။
ကုရ်အာန်၏ရှေးဦးမူဟန်၌လည်း စကားလုံးပုံသဏ္ဍာန်မှာ တစ်ခုနှင့်တစ်ခု ခွဲခြားသိမြင်ရန် ခက်လှပေသည်။ ဥပမာဆိုရပါလျှင် “ဘာအ်”၊ “သာအ်”၊ “ဆာအ်” စာလုံးသုံးလုံးမှာ မျဉ်းကွေးပုံအတိုင်းသာ ရှိခဲ့ကြ၏။ နှုတ်ရေးအစဉ်အလာတွင် အသံထွက်ရန်သာလိုပြီး ပုံသဏ္ဍာန် မလိုအပ်သောကြောင့်ဖြစ်သည်။ သို့သော် စာပေယဉ်ကျေးမှုထွန်းကားလာသည်နှင့်အမျှ ထိုကဲ့သို့သောစကားလုံးများမှာ ကျမ်းဂန်အတွင်း၌ ကွဲပြားခြားနားအောင် ဖော်ပြရန်လိုအပ်လာပေသည်။ ထို့ကြောင့် ယနေ့ခေတ်ပုံနှိပ်မူများဝယ် သက်ဆိုင်ရာ အစက်အပြောက်များဖြင့် သင်္ကေတပြု ခွဲခြားဖော်ပြထားခြင်းဖြစ်၏။ ထို့ကြောင့်လည်း ဖတ်ရွတ်မှုတွင် အဆင်ပြေချောမွေ့သွားပါသည်။ ကုရ်အာန်၏ ရှေးဦးမူနှင့်ခေတ်သစ်မူများအကြား ကွဲပြားခြားနားသည့်အချက် ဟူ၍ ဖတ်သူ အထောက်အကူပြု ၄င်းလမ်းညွှန်သင်္ကေတများမှအပ အခြားအရာများ (အပြောင်းအလဲများ) အလျဉ်းမရှိချေ။

ကျမ်းဂန်ကို ကိုင်တွယ်မှု ကိစ္စ
================
မုစ်လင်မ်တို့သည် ကျမ်းမြတ်ကုရ်အာန်ကို အထူးအမြတ်တနိုးထား ကိုင်တွယ်ကြသည်။ ကုရ်အာန်ကိုယ်တိုင်ကပင် မိမိအား ထိတွေ့သူ မည်သူမဆို သန့်စင်မှုရှိရမည်ဟု ဆိုထား၏ (၅၆း၇၉)။ ကုရ်အာန်ပညာရှင်များက ခဝပ်မှုပြုရန်လိုအပ်ချက်အတိုင်း သန့်စင်သည့်အခြေအနေ၌ ကုရ်အာန်ကို ကိုင်တွယ်ရမည်ဟု ဖွင့်ဆိုကြသည်။
မုစ်လင်မ့်ထုံးတမ်းဓလေ့တွင် နက်နက်ရှိုင်းရှိုင်း ရိုသေမှုလက္ခဏာကိုပြသသည့် အခြားအစဉ်အလာများလည်း ရှိကြသည်။ ဥပမာအားဖြင့် - မိမိတို့၏အိမ်များ၌ ကုရ်အာန်ကို အမြင့်ဆုံးနေရာ/စင်/အထပ်တွင် ထားရှိခြင်း၊ ကုရ်အာန်သည် အခြားစာအုပ်၏အောက်ဝယ် ရှိနေလျှင် အရိုအသေတန်သည်ဟု ယူဆခြင်း၊ မြေပြင်ပေါ်သို့ အကျ မခံခြင်း၊ သို့သာမက ခေါက်စားပွဲငယ်ပုံစံ သစ်သားစင်ငယ်လေးများပေါ်တင်၍ ဖတ်ရွတ်သရဇ္ဈာယ်ခြင်း တို့ဖြစ်ပါသည်။
မုစ်လင်မ်များစွာတို့သည် မိမိတို့နှင့်အတူ ကုရ်အာန်ကို ဆောင်ယူသွားလေ့ရှိ၏။ ဖတ်လိုသည့်အခါ ဖတ်နိုင်ရန် နှင့် လိုအပ်သောကိုးကားမှုအတွက်အသုံးပြုနိုင်ရန်ဖြစ်သည်။ ၄င်းပြင် အာယသုလ်ကုရ်စီ ကဲ့သို့သော ကုရ်အာန်စာပိုဒ်များကိုလည်း အလ္လာဟ်အရှင်မြတ်ထံတော်မှ ကာကွယ်လုံခြုံမှုရရန်အလို့ငှါ မိမိတို့၏အိမ်၊ ကား၊ ဆွဲကြိုး စသည်တို့အတွင်း၌ ချိတ်ဆွဲပြသထားလေ့ရှိကြပေသည်။
မုစ်လင်မ့်ယဉ်ကျေးမှုတွင် ပျော်ရွှင်ဖွယ်အကြောင်းရပ်များတွင်ဖြစ်စေ၊ ဝမ်းနည်းဖွယ်အကြောင်းရပ်များတွင်ဖြစ်စေ ကုရ်အာန်၏အခန်းကဏ္ဍကို တွေ့မြင်ရပေမည်။ ဥပမာဆိုသော် မိမိတို့၏အိမ်သစ်သို့ ဝင်ရောက်ကြသော မင်္ဂလာသတို့သားနှင့်သတို့သမီးအပေါ် ကုရ်အာန်ကိုပင့်မြှောက်ခြင်း၊ အချို့မုစ်လင်မ်တို့က ဈာပနထမ်းစင်အပေါ် ကုရ်အာန်ကိုထားရှိခြင်း၊ မုစ်လင်မ်တစ်ချို့ကလည်း မြှုပ်နှံမှုအဝဝပြီးဆုံးသည့်နောက် ကွယ်လွန်သူကိုယ်စား ကျမ်းမြတ်ကုရ်အာန်ကိုဖတ်ရွတ်ခြင်း စသည်တို့ဖြစ်ကြ၏။ ထိုကျင့်ဆောင်မှုအပေါင်းမှာ အလ္လာဟ်အရှင်မြတ်ထံတော်မှ ကောင်းချီးမင်္ဂလာ၊ ကရုဏာ နှင့် ခွင့်လွှတ်မှုရလိုစိတ်ကိုသာ အရင်းခံကြပေသည်။
မည်သို့ပင်ဖြစ်စေကာမူ မုစ်လင်မ်တို့အဖို့ ကျမ်းမြတ်ကုရ်အာန်အား အကောင်းဆုံး ရိုသေလေးမြတ်မှုထားရှိခြင်း ဟူသည်မှာ ကျမ်းမြတ်ကုရ်အာန်၏ ဗျာဒိတ်သတင်းများအပေါ် ယုံကြည်ချက်အပြည့် ထားရှိခြင်း နှင့် အလ္လာဟ်အရှင်မြတ်ထံ အကြွင်းမဲ့နာခံအပ်နှင်း၍ ကျမ်းဂန်၏သွန်သင်မှုအတိုင်း လိုက်နာကျင့်သုံးသွားခြင်းသာဖြစ်ကြောင်း သာသနာ့ပညာရှိများက ထောက်ပြထားပေသည်။
(ဆက်လက်ဖော်ပြပါမည်)

 July Yeyint