ဝိဥာဏ အင်အားဖြည့် စာစုများ (၃)

ဝိဥာဏ အင်အားဖြည့် စာစုများ (၃)

လှိုင်းတံပိုးအောက်သို့ စိုက်ကာဆင်း
***************************
တစ်ခါက ရေကူးကျွမ်းကျင်သော လူငယ်ရောင်းရင်းနှစ်ဦးသည် မဒရပ်စ်ကမ်းခြေသို့သွား၍ ရေကူးခဲ့ကြ၏။ ထိုနေ့မှာ ရာသီဥတုသာယာ၏။ ပင်လယ်ပြင်သည် ငြိမ်သက်နေ၏။ သူတို့သည် ရေမျက်နှာပြင်ပေါ် ကူးခတ်လိုက်၊ ငုပ်လျှိုးသွားလိုက်ဖြင့် ကမ်းခြေမှ တဖြည်းဖြည်း ဝေးကွာလာခဲ့သည်။ ထို့နောက်ဝယ် ကြောက်ခမန်းလိလိ လှိုင်းတံပိုးကြီးတစ်ခုအောက်သို့ မထင်မှတ်စွာ ရောက်မှန်းမသိရောက်သွားကြောင်း သတိပြုလိုက်မိလေသည်။ တစ်ဦးသောလူရွယ်သည် လှိုင်းတံပိုး၏အပြင်ဖက် ဆန့်ကျင်ရာသို့ အားကုန်ရုန်းထွက်၍ ကမ်းခြေရှိရာဖက် အပြင်းအထန် ကူးခတ်လေရာ နစ်မြုပ်သွားရ၏။ လှိုင်းတံပိုးက သူ့ထက်အင်အားကြီးမားကြောင်း သက်သေပြလိုက်ပေပြီ။


နောက်တစ်ဦးမှာမူ ထိုအတိုင်းပင် ရုန်းကန်ကူးခတ်သော်လည်း အခိုက်အတန့်အတွင်းမှာပင် ယင်းသို့အားထုတ်မှုက အချည်းနှီးသာဖြစ်ကြောင်း ရိပ်စားနားလည်သွား၏။ လှိုင်းတို့မည်သည် အပေါ်ဖက်မျက်နှာပြင်၌ ပြင်းထန်ကြမ်းတမ်းသော်လည်း အတွင်းအောက်ခြေ၌ အားပျော့တတ်ကြောင်း ကံကောင်းထောက်မစွာဖြင့် သတိရလိုက်၏။ သို့ဖြင့် သူသည် မတုန့်မဆိုင်းပင် လှိုင်းတံပိုးအောက်သို့ ထိုးစိုက်ဆင်းလေ၏။ အပြင်းအထန် ခြေခတ်ကူးဝင်သွား၏။ လှိုင်း၏ရိုက်ချက်များမခံရတော့သည့်အနက်အထိ အရောက်ဆင်းလေ၏။ အသက်လုကူးခတ်ရသဖြင့် အဆုတ်အိမ်မှာ ကွဲထွက်လုမတတ် ခံစားရပြီး ကြွက်သားများအားလုံး နာကြင်ကိုက်ခဲလျက် ရေတိမ်ပိုင်းသို့ ရောက်လာပါတော့သည်။ ၄င်းနောက် သတိလစ်နေသောသူ့အား လှေထိုးသားအချို့မှ ဆယ်ယူနိုင်ခဲ့သည်။ ကုန်းမြေပေါ်သို့ချောမောစွာသယ်ဆောင်၍ ဆေးရုံသို့ ပို့ဆောင်ပေးခဲ့ကြသည်။ သူသည် အရေးပေါ်ကုသမှုခံယူပြီး များမကြာမီ နာလန်ထလာခဲ့သည်။ ခြေကုန်လက်ပန်းကျ၍ သတိလစ်သွားစဉ် လှေငယ်တစ်စင်းနှင့် ထိပ်တိုက်တိုးခဲ့ခြင်း၊ ၄င်းနောက် အချိန်မီဆေးဝါးကုသမှုခံရခြင်းတို့မှာ သူ့အဖို့ ကံကောင်းမှု တစ်ရပ်ဖြစ်သည်ကားမှန်၏။ သို့သော် သူ့အား အမှန်တကယ် ကယ်တင်ခဲ့သည့်အရာမှာ - လူနှင့်လှိုင်း အင်အားမမျှဟု နားလည်လိုက်ချိန် တမဟုတ်ချင်းပြောင်းလဲလိုက်သည့် သူ၏နည်းပရိယာယ်သာ ဖြစ်ပေသည်။

ဤသည်မှာ အင်အားနှင့်သက်ဆိုင်သော လူမှုကိစ္စများအတွက် နိယာမတစ်ရပ်ကို ပြဆိုနေသည်။ ထိပ်တိုက်ရင်ဆိုင်ခြင်းက ကျွန်ုပ်တို့အား ရံဖန်ရံခါမှသာ ကောင်းကျိုးဖြစ်ထွန်းစေတတ်သည်။ ငါးသတ္တ၀ါများသည်ပင်လျှင် မုန်တိုင်းကြီးနီးကပ်လာလေလေ နက်ရှိုင်းရာသို့/ရေနက်ပိုင်းသို့ စိုက်ဆင်းငုပ်လျှိုးလေလေ မဟုတ်ပါသလော။

( M.W.Khan ၏ Ducking below the Waves ကို ပြန်ဆိုဖော်ပြခြင်းဖြစ်သည် )
 July Yeyint